Un día, de adolescente, decides buscar en Internet "Mejores discos de la historia de la música" e, sen ser consciente, a túa forma de relacionarte ca arte cambia. Hoxe detesto o canon no que se sustenta. Detesto o barroquismo e a grandilocuencia impostadas. Detesto mil e unha cousas que me poderían levar a odiar este álbum. Pero... todo ese camiño fíxeno con el da man e non se entende sen el. Así que aquí estamos, de pé sobre os ombros de xigantes.